O soño do Peixe Galego de debutar na segunda categoría nacional, a Liga LEB Ouro, está só unhas horas de converterse en realidade.
O club marinense estréase este venres (21:00 horas) en liga recibindo a un dos grandes favoritos, o Melilla Baloncesto, equipo que o pasado ano logrou na pista o ascenso á Liga ACB pero que non logrou confirmalo nos despachos.
Javi Llorente: "El partido nos llega un poco pronto"
"El partido nos llega un poco pronto", recoñece o técnico 'peixe', Javi Llorente, debido aos problemas de varios integrantes do plantel durante a pretempada e a chegada tardía de xogadores como Gregorio Adón e a última fichaxe, Andrés Miso.
A pesar diso "tenemos la ilusión de jugar en casa y a pesar del equipo que viene hacer un buen partido para que disfrute nuestra afición", explicou Llorente.
A principal incógnita para o Peixe Galego é o estado de Jason Cain, xogador "muy importante" no xogo do equipo e que será dúbida ata última hora.
Pola súa banda o Melilla Baloncesto chegará a Marín sen dous dos seus xogadores, de baixa por lesión, como son Eloy Almazán e Marcos Suka.