En marcha a instalación dos tepes de herba natural no Estadio Municipal de Pasarón.
O Pontevedra continúa cos traballos no terreo de xogo para liquidar as deficiencias e problemas de drenaxe que arrastra o estadio desde hai anos.
Se ao longo do mes de agosto os esforzos centráronse en acondicionar a drenaxe do terreo de xogo, este xoves comezou a colocación dos tepes de herba natural, polo que desde o club confían en que "vai estar listo para o primeiro partido de liga".
O equipo adestrado por Yago Iglesias comezará a tempada no seu templo o vindeiro domingo 3 de setembro (19.00 horas) fronte á Gimnástica de Torrelavega.