Mocidade e talento definen á segunda fichaxe estival do Poio Pescamar, coa que quere ir completando un plantel co que aspira a pelexar polos títulos.
A futbolista que aterra en Poio é Iraia Arbeloa, xogadora navarra que procede do Ourense Envialia, club co que a pasada campaña xogou a semifinal polo título de liga.
Arbeloa formouse na canteira do Orvina, e debutou hai dúas tempadas en Primeira División nas filas do Viaxes Amarelle coruñés. É ademais internacional sub-19 con España.
Trátase dunha deportista con "un gran futuro", sinalan desde o club vermello, desde onde aseguran que "destaca pola súa velocidade e desborde" no posto de ala.
Iraia súmase desta forma a un plantel na que xa figuraban como renovadas Silvia Aguete, Carol Agulla, Antía Pérez, Caridad, Daniella Sousa, Ana Rivera e Mirian Ruiz e ao que recentemente se incorporou Luci como primeiro reforzo.