É o seu segundo ano na categoría junior e conseguiu repetir título de campioa. Irene Trabazo adxudicouse en Valencia a Copa de España de Ciclocross tras gañar a súa sétima carreira das oito que figuraban no calendario.
A ciclista marinense chegaba á cita empatada na clasificación coa valenciana Sofía Rodríguez, pero empezou a carreira como campioa virtual.
Isto debeuse a que a Federación decidiu devolverlle os 25 puntos de sanción que lle quitara por non saír co maillot de líder en Elorrio.
Irene, unha vez máis, non tivo rival confirmando o seu dominio na carreira definitiva, na que gañou con 28 segundos de vantaxe sobre Rodríguez, sendo Marga Durán terceira.
Si a actuación xa era boa de seu, Trabazo finalizou a beiras do Turia na novena posición xeral da categoría feminina.