A primeira Copa Norte de España 2017 de fitness e fisioculturismo, celebrada a pasada fin de semana en Ávila, tivo acento pontevedrés.
Fíxoo grazas á actuación de Iván Castesana, vencedor na categoría Men Physique talla baixa.
Ademais a porriñesa Tania Bugarín, que adestra habitualmente en Pontevedra, gañou en categoría bikini talla baixa e tamén o absoluto de bikini.
A Copa Norte reune a competidores de Galicia, País Vasco, Cantabria, A Rioxa e Castela-León.
Tras esta cita Iván Castesana ten previsto tomar parte na Copa Galicia, que se celebrará en Valga, e no Campionato de España previsto para os días 14 e 15 de outubro.