O Grupo Deportivo Supermercados Froiz engadiu unha vitoria máis no palmarés da tempada ao levar o campionato autonómico de Castela A Macha de ciclismo en ruta.
Iván Martínez proclamouse vencedor do campionato desta rexión na categoría elite, ao impoñerse no XLI Trofeo Santa Quiteria disputado en Higueruela (Albacete).
O percorrido da proba era de 146 quilómetros, dando diferentes voltas a un circuíto longo e outro curto máis perfilado na contorna da cidade albaceteña.
Foi unha carreira rápida na que Martínez atacou a falta de 40 quilómetros nunha das subidas xunto a tres corredores máis. Despois, a falta de escasos quilómetros a meta, arrincou para chegar en solitario alzándose co triunfo.