Gran xornada a deste venres para o piragüismo pontevedrés no Campionato do Mundo de Maratón que se está a celebrar en Dinamarca.
Se o venres Tono Campos tocaba o ouro na proba sénior de canoa curta, este venres outro padexeiro da armada pontevedresa subiu ao máis alto do podio no C-1 Sub23.
Trátase de Jaime Duro (EP Ciudad de Pontevedra), que repetiu o éxito conseguido en 2022 ao proclamarse campión do mundo. Duro completou o percorrido cun tempo de 1:34:08.94, avantaxando en máis dun minuto o polaco Eryk Wilga (1:35:19.40).
Terceiro e bronce, do mesmo xeito que hai un ano, chegou a meta outro pontevedrés como Diego Piñeiro (EP Ciudad de Pontevedra), a case dous minutos do vencedor (1:36:06.15).
O Campionato do Mundo de Piragüismo Maratón chega tras esta carreira á súa ecuador, e prolongarase ata o vindeiro domingo 3 de setembro.