Nova baixa no Arosa, aínda que esta non desexada por parte da entidade arlequinada tras o seu descenso a Terceira RFEF.
Un home da casa como o vilagarcián Javi Fontán non seguirá ligado ao club, tras comunicar nas últimas horas a súa intención de non renovar para fichar por un equipo de Segunda RFEF, concretamente o Real Avilés asturiano.
O lateral, de 22 anos, recoñeceu ao Arosa que tomar a decisión foi "complidísimo", afirma o club.
Fontán, tras un paso pola canteira do Celta de Vigo, regresou ao Arosa no seu último ano de categoría xuvenil, encadeando despois tres campañas no primeiro equipo. O último ano foi titular indiscutible chegando a participar en 31 partidos, 29 deles como titular, sumando dous goles.
O defensor engraxa desta forma unha lista de saídas na que xa figuraban Pedro Beda, Martín Ross, Alberto Martín e Mon.