O salón de plenos do Concello de Marín acollerá o próximo 27 de xaneiro, venres, a entrega de premios da Gala do Deporte, que distinguirá aos personaxes máis destacados do ano 2016 no deporte marinense.
O xurado estableceu que os gañadores dos premios principais, a mellor deportista masculino e feminino, sexan para o atleta Jean Marie Okutu tras a súa participación nos Xogos Olímpicos de Río de Janeiro e para a taekwondista Katya Calvar, que logrou notables resultados a nivel nacional e internacional.
Ademais, destacan o recoñecemento ao Club Baloncesto Peixefresco como mellor club, nun ano no que fixo historia co seu ascenso á Liga LEB Ouro, Antonio Lodeiro como mellor adestrador e o Campionato de España de Milla en Ruta como o mellor evento deportivo organizado no municipio.
A relación completa de premiados é a seguinte:
- Mellor deportista masculino: Jean Marie Okutu (atletismo)
- Mellor deportista feminina: Katya Calvar (taekwondo)
- Mellor deportista revelación masculino: Nicolás García (atletismo)
- Mellor deportista revelación feminina: Arlet Ortiz (taekwondo)
- Mellor deportista veterano: Germán Morenza (atletismo)
- Mellor adestrador: Antonio Lodeiro (fútbol)
- Mellor entidade deportiva: CB Peixefresco (baloncesto)
- Mellor centro educativo: CEP Sequelo
- Mellor escola deportiva: Boxeo olímpico
- Patrocinio e colaboración co deporte: Joyería Arizaga
- Traxectoria deportiva: Pedro Ferradás (boxeo)
- Mellor evento: Campionato de España de Milla Urbana
- Mención especial por unha vida dedicada ao deporte: José Dopazo (remo)