O Poio Pescamar suma unha nova peza á súa pretempada, aínda que se trata dunha xogadora xa coñecida.
Julia Dupuy seguirá un ano máis no cadro conserveiro, polo que acaba de renovar para a que será a súa terceira campaña na Seca.
A xoven futbolista internacional arxentina, de 22 anos, seguirá achegando desta forma o seu carácter ao equipo vermello desde o posto de ala pívot.
CINCO PARTIDOS DE PRETEMPADA
Doutra banda o Poio Pescamar confirmou cinco encontros de preparación na súa pretempada.
O primeiro deles disputarase este mesmo mércores 17 de agosto (20.45 horas) na pista do Viaxes Amarelle. Despois virán dous duelos fronte ao Burela fóra (20 de agotso) e na casa (24 de agosto), outro ante o Nun'Álvares Futsal tamén na Seca (27 de agosto) e outra máis fronte ao Santa Luzia FC fóra.