O Club Cisne Balonmán xa ten á súa primeira fichaxe oficial para o que será o segundo proxecto deportivo da súa historia na máxima categoría, a Liga Asobal.
A entidade pontevedresa non foi moi lonxe para 'pescar' á súa nova incorporación, xa que se trata do gardameta Kilian Ramírez, que a última tempada defendeu a camiseta da Sociedad Deportiuva Teucro na División de Honra Prata.
O xogador canario, de gran proxección desde as categorías inferiores, pasou por clubs da Liga Asobal como Ciudad Encantada e Villa de Aranda, pero unha grave lesión de xeonllo freou a súa progresión. Xa recuperado, regresou ás canchas de xogo o pasado curso nas filas teucristas.
"Estoy muy feliz e ilusionado por poder volver a Asobal con este equipo. Esperemos que cumplamos el objetivo el año que viene y disfrutemos juntos", sinalou Kilian tras facerse oficial a súa fichaxe.
A incorporación do gardameta chega para cubrir a saída de Jorge Villamarín, coa intención de competir polo posto cun Roney Franzini que todo apunta seguirá un ano máis no Cisne.
FICHAJE | ¡Buenos días! 1° fichaje para este nuevo Cisne. Se trata del portero canario @kilianramirez1 de 24 años. Tras su paso por el Ciudad Encantada y el Villa de Aranda, el guardameta militó la pasada temporada en la @sdteucro ¡Bienvenido Kilian! #SomosCisne #Fichaje pic.twitter.com/5umjx8nRDi
— Club Cisne Balonmano (@ClubCisneBalonm) June 21, 2022
Engade Pontevedra Viva como fonte preferida de Google de balde
Mantente informado coas últimas noticias de actualidade.