A relaxación de ser campión de forma matemática levou ao Exlabesa Leis a perder os seus dous últimos encontros. O Deportivo Laviana pagou os pratos rotos cunha goleada do equipo pontevedrés (12-2), que recupera as súas mellores sensacións de cara ao play-off.
Hugo Da Silva abriu a lata no minuto 7 co que sería o primeiro do seu tres goles no encontro deste sábado. Mario Paz, que fixo catro no global, acompañoulle con dous tantos de forma consecutiva.
O 3-0 en oito minutos non freou aos pontevedreses, que continuaron co seu festival goleador ao longo do primeiro tempo.
Hugo, Alonso, Aicardo e Said deixaron a súa firma para pór un resultado de 7-0 unha vez superados os primeiros 20 minutos.
Aínda que o iniciou do segundo tempo deu tregua ao Laviana, Mario Paz, Alonso e Said encargáronse de ampliar a renda a un escandaloso 10-0 no minuto 33. Pelayo e Sergio tiraron de orgullo para facer os goles da honra a seis minutos do final.
Non freou o equipo pontevedrés nin con oito goles de vantaxe, pois Mario Paz fixo o onceavo tanto e Hugo Da Silva, que abriu a lata no primeiro tempo, pechou a goleada no minuto 37 co definitivo 12-2.
O conxunto lerezano, que xa era campión de forma matemática, é primeiro na clasificación con 64 puntos.
Unha xornada réstalle ao Leis para terminar a competición regular e enfocarse plenamente no play-off de ascenso. Antes diso deberán visitar ao Atlético Benavente no último partido de liga.
Consulta a acta neste enlace.