A tempada non puido empezar mellor para o Stellae Leis Pontevedra Masculino.
O equipo pontevedrés é o líder do Grupo I de Segunda B tras a disputa das dúas primeiras xornadas de liga, nas que sumou dous contundentes triunfos fronte ao filial do Noia Portus Apostoli (1-8) e contra o Vilalba FS (9-3).
Un inicio ilusionante que acompañou con outro triunfo na pimera rolda da Copa do Rei, na que visitou a cancha do Culleredo (1-6).
Esa vitoria permítelle soñar con chegar lonxe na competición do K.O, un torneo que este martes celebrou o sorteo da súa segunda rolda.
Celebrado na Cidade do Fútbol de Las Rozas, o bombo deparou un enfrontamento complicado para os pontevedreses.
O contricante será un rival directo no seu grupo da Segunda B, o Atlético Benavente, outro dos equipos que conta os seus partidos por vitoria.
Esta segunda eliminatoria copeira, a partido único, disputarase os días 7 e 8 de outubro co Leis como local.
Antes desa cita, en liga os homes adestrador por Santi Valladares tentarán manter o seu liderado e a súa condición de invictoria visitando este 27 de setembro ao 5 Coruña FS e recibindo en casa o día 4 ao Guardo FS.