Non puido cumprir o seu obxectivo Lydia Pérez Touriño no Campionato de Europa Junior de Loitas Olímpicas, que non era outro que pelexar polas prazas de podio.
A deportista do Club Loita Pontevedra quedou lonxe da loita polas medallas ao finalizar no posto 16 na competición celebrada en Bucarest (Romanía).
Lydia cedeu nos oitavos de final da súa categoría, os 59 quilos, ante a alemá Viviane Bettina.
Tras esta cita, a pontevedresa céntrase xa no seu próximo obxectivo, entrar na convocatoria do equipo nacional absoluto para participar no Torneo Internacional Gran Premio de España do 8 ao 10 de xullo en Madrid.