A Real Federación Española de Fútbol sorteou este luns os emparellamentos finais polo ascenso á Primeira División Feminina do fútbol sala nacional.
Nesa eliminatoria decisiva estarei o Marín Futsal, tras deixar na cuneta o CD Salesianos Puertollano.
O conxunto marinense está a dous partidos de regresar á máxima categoría, nun cruzamento a ida e volta na que non contará co factor cancha ao seu favor.
O seu rival nese duelo será o Wanapix Intersala 10 Zaragoza, campión da liga regular no Grupo 2 e que vén de remontar a súa eliminatoria previa fronte ao CD Segosala, levantando na súa cancha un 5-1 adverso da ida ao gañar por 8-2 en Zaragoza.
O primeiro partido entre ambos os dous equipos, a falta de definir horario, disputarase xa esta próxima fin de semana (13-14 de xuño) na Raña.
A volta en Aragón pola súa banda xogarase o día 20 ou 21.
A favor do Marín Futsal está o seu rendemento no play-off, e é que foi o único equipo dos participantes sen o factor cancha a favor que logrou superar a primeira eliminatoria.
O resto das finais polo ascenso son: CFS Autoescola Urgell Linyola - Estrela Futsal e El Gaitero Rodiles FSF - Almagro FSF.
𝗣𝗹𝗮𝘆𝗼𝗳𝗳𝘀 𝗱𝗲 𝗔𝘀𝗰𝗲𝗻𝘀𝗼 𝗮 𝗣𝗿𝗶𝗺𝗲𝗿𝗮 𝗙𝗦 𝗜𝗯𝗲𝗿𝗱𝗿𝗼𝗹𝗮
— Futsal RFEF (@FutSalRFEF) June 8, 2026
📅 Ida: 13-14 de Junio.
📅 Vuelta: 20-21 de Junio.
ℹ️ https://t.co/LEHY2v3UsB#FutsalRFEF pic.twitter.com/jEiuFhcJnP