A desescalada pola pandemia do coronavirus segue queimando etapas e aos poucos os cidadáns van retomando á súa vida normal. Un novo paso adiante ten previsto dalo adiante este mércores o Concello de Marín coa reapertura das pistas deportivas de uso público ao aire libre.
O goberno local informa que desde a tarde do 27 de maio, os usuarios poderán volver practicar deporte nas pistas multideporte da Praza de España, as porterías e canchas do Parque Eguren, a pista de baloncesto e a zona de skate do Parque Azul de Cantodarea, as pistas polideportivas de Mogor, San Pedro, A Cañota, Seixo, Arealonga e dun dos accesos á praia de Aguete.
En todas elas o Concello colocou unha serie de carteis informativos sobre a necesidade de, tamén no deporte, manter as medidas sanitarias e de seguridade recomendadas.