Foi a primeira xogadora galega en debutar na máxima categoría do waterpolo nacional e agora, tras un breve paso pola Primeira División, Marina Casado retorna á elite.
A pontevedresa, formada nas filas do CN Pontevedra, logrou o pasado domingo o ascenso á División de Honra Feminina co equipo navarro WP 9802.
Fíxoo tras vencer o seu equipo na penúltima xornada ao CN L'Hospitalet por 11-10 proclamándose campioas da Primeira Nacional.
Marina, que xoga no conxunto navarro dende a tempada 2012/2013, converteuse nunha xogadora importante no seu equipo.
Ademais a pontevedresa foi unha das máximas goleadoras da competición con 28 tantos, situándose no posto 14 desta clasificación.