O remo marinense está de parabén.
Un dos seus representantes e promesas máis firmes, Xián Gutiérrez, competirá no próximo Campionato de Europa Sub-19 que se celebrará na localidade alemá de Brandemburgo.
O deportista do Club de Remo Ría de Marín foi convocado polo equipo nacional español da categoría para participar nesta competición, un dos grandes obxectivos da tempada.
Terá lugar en concreto entre os días 21 e 24 de maio.
Xián é un dos 16 remeiros citados pola Selección Española, dos que tres son galegos xunto aos ribadenses Antón Balsa e Carlota Peña.
No Europeo de Brandemburgo o marinense competirá nunha tripulación de 4 xunto a Antón Balsa (Ribadeo), Robert Privistirescu (El Ejido) e Manuel Cruz (Sevilla).