Chega o parón de Nadal e con el confírmanse movementos no Club Cisne Balonmán.
O club pontevedrés confirmou este luns a baixa de Marko Ribic.
O lateral esloveno, o último en incorporarse no verán á disciplina do equipo como fichaxe, non seguirá no Cisne na segunda volta do campionato.
"Desde o club agradecemos publicamente ao xogador esloveno a súa entrega, paixón e compromiso durante estes meses coa nosa camiseta", afirman desde a entidade da Boa Vila.
Tras este primeiro movemento o Cisne valora as súas opcións para afrontar a segunda parte da liga con garantías.
Os de Quiños non volverán competir na División de Honra Prata até o día 17 de xaneiro, cándo vistarán a pista do OAR Coruña.
Tras os últimos resultados han chegado ao parón do Nadal no undécimo posto da clasificación con 13 puntos.