Cuarto reforzo da Sociedade Deportiva Teucro, que confirmou a incorporación do extremo dereito Martín Davila.
O xogador, de 22 anos, procede do Balonmán Cañiza de Primeira Nacional, club ao que chegou tras completar a súa etapa de base no Balonmán Porriño.
"Chega ao club para ofrecer ao plantel velocidade, axilidade e unha alta eficacia goleadora", sinala a entidade teucrista.
Pola súa banda Davila recoñeceu tras pecharse a operación estar "moi contento de fichar neste equipo, xa que é un histórico que sigo desde pequeniño. Espero sacar o mellor do meu e creo que imos competir todos os partidos con garra e ilusión".
Martín Davila convértese na undécima peza confirmada do Teucro 21-22 que competirá na División de Honra Prata, xunto aos tamén fichados Álvaro Moreno, Gonçalo Morais e Joshua Rau e aos renovados Caue Herrera, Ricardo González, Miguel Sío, Alejandro Gómez, Víctor Deco, Iago Rodríguez e Pedro Sánchez.