Nuria Erselle, Agueda Cons, Inés Gómez, e Sheila Moldes deron a primeira medalla para o Club Natación Galaico no Campionato de España Infantil e Júnior que se está a celebrar estes días na piscina olímpica de Ponte Muíños.
As catro lograron subir ao terceiro chanzo do podio na proba de 4x100 infantil, despois do cuarto posto logrado o pasado xoves no 4x200.
Nuria, Águeda, Inés e Sheila pararon o crono en 4:12.56, por detrás do equipo de relevos do Madrid Moscardó e Sabadell, primeiro e segundo respectivamente.
No plano individual destaca o sexto posto de Nuria Erselle nos 200 libres.
Ademais, Paula Goyanes finalizou no posto 18 dos 200 costas, proba na que Inés Gómez e Nuria Erselle remataron no lugar 41 e 42, mentres Juan David Hernández cualificou trixésimo oitavo nos 200 estilos.