O Grupo Deportivo Supermercados Froiz retoma esta fin de semana a competición cunha das grandes citas da tempada, o Memorial Valenciaga, cuarta parada da Copa de España Elite e Sub-23 que se celebra en Eibar, País Vasco.
O equipo pontevedrés chegaba á cita con optimismo tras situar a Francisco Medina na décimo quinta praza da xeral da Copa España, e con intención de pelexar o triunfo, pero o líder do Froiz perderase a carreira por lesión.
O ciclista padece unha tendinite que lle impedirá competir en Eibar. "Rompéronsenos os plans", recoñeceu o director do equipo, Evaristo Portela, convencido de que "tiñamos moitas posibilidades porque Medina estaba moi ben".
Renato Macedo substituirá a Francisco Medina no Valenciaga, completando a formación do Froiz: Roberto Mediero, Raúl Fernández, Alejandro Lomba, Diego Somoza, David González e Rodrigo Enríquez.
Por outra banda a escuadra pontevedresa participará tamén a fin de semana na 54 edición da Clásica de Pascua de Padrón, na que correrán Pedro Merino, Joao Matías, Miguel Gómez, Sergio Míguez, Víctor Fernández e Alejandro Regueiro.