A Vuelta a Madrid sub-23 2026 non puido empezar mellor para o Supermercados Froiz tras a vitoria do seu ciclista holandés, Mika Vijfvinkel, na etapa inaugural da competición celebrada este martes en Móstoles.
Esta primeira xornada, que atravesou 110 quilómetros con 1159 metros de desnivel positivo acumulado, propiciou varios intentos de fuga frustrados co ciclista da escuadra alimenticia moi presente en todos eles.
Arrincou a carreira cun tramo neutralizado polas rúas de Móstoles ata que todos os competidores dirixíronse ao percorrido con paso por Quijorna e Valdemorillo, lugares crave para a disputa das metas voantes e do seu correspondente maillot verde que tamén foi para o deportista da escadra pontevedresa.
A etapa encamiñouse cara a un emocionante sprint final cunha chegada a meta conxunta por parte do pelotón. Foi entón cando Mika Vijfvinkel fixo valer o seu esforzo durante toda a proba para finalizar en primeira posición por diante de Hemeryck (Dovy Keukens) e de Joan Cadena (Technosylva Rower Bembibre).
Esta vitoria outorga ao holandés o liderado na clasificación xeral co correspondente maillot vermello provisional. Ademais suma unha bonificación de 14 segundos tras unha etapa con moito protagonismo en todos os tramos.
Doutra banda, o ciclista do equipo lerezano tamén recibiu o maillot azul na cerimonia de premios, un distintivo ao líder da regularidade ou da tamén coñecida clasificación por puntos nesta competición.
A segunda etapa desta Vuelta a Madrid terá lugar este mesmo mércores con Alcalá de Henares como escenario principal. Será nun percorrido de 134 quilómetros que finalizará coa liña de meta na Calle Colegios da localidade.
Continuará a competición coa terceira etapa en Parla e unha cuarta cita que se desenvolverá en Galapagar-San Lorenzo de El Escorial. Finalizará a competición este sábado 11 de xullo coa quinta e definitiva etapa en Alcobendas.