O Club Baloncesto Arxil avanza na planificación da próxima tempada, na que partirá co obxectivo de pelexar por meterse de novo no play-off de ascenso á máxima categoría do baloncesto feminino nacional.
Así o asegura a entidade verde, que traballa en conseguir renovar á maioría do plantel. Neste aspecto o club recoñece ter falado con xogadoras como Ana Román, Maria Lago, María Centeno, Carla ou Ana Martín.
Tamén negocian coa que foi o piar do equipo e unha das xogadoras mellor valoradas da categoría, a senegalesa Maimouna Diarrá, pero a súa continuidade se antolla complicada.
Así o recoñecen dende o equipo pontevedrés ao asegurar que "está a recibir fortes ofertas coas que o Arxil non pode competir".
Malia iso aínda non a dan por perdida, aínda que traballan nun posible recambio a xeito de fichaxe dunha xogadora determinante baixo o aro, coa cal "as negociacións están moi avanzadas", adiantan.
A que non seguirá con total seguridade será a estadounidense Fallon Lewis, que tras realizar unha boa tempada a beiras do Lérez decidiu retirarse e volver ao seu país. O seu posto ocuparao outra das inscorporaciones prevista, pechando o capítulo de altas unha xogadora exterior.
Por outra parte nos despachos o Arxil prepara a documentación esixida pola Federación Española de Baloncesto para competir en Liga Feminina 2, unha documentación que deberá entregar antes do día 3 de xullo.