O Pontevedra Club de Fútbol anunciou na tarde deste luns 5 de xaneiro a saída do xogador Nico Conesa, quen deixa de formar parte do plantel.
O centrocampista murciano, de 24 anos e procedente do Xetafe B, foi protagonista da terceira desvinculación do conxunto pontevedrés esta tempada, xunto a Pablo Hervías e Marcos Denia.
No seu paso polo Pontevedra CF, Nico Conesa disputou un total de seis encontros entre Liga e Copa do Rei.
Só foi aliñado en catro partidos de Liga, en ningún deles como titular, sumando apenas 58 minutos baixo as ordes de Rubén Domínguez.
O club quixo agradecer publicamente a súa profesionalidade, compromiso e actitude durante o tempo que vestiu a camiseta granate.
Ás tres baixas xa confirmadas no plantel ai que sumar tamén a ausencia de longa duración de Juanra despois de sufrir a grave lesión do cruzado.