Numerosos amantes da bicicleta, como esperaba a organización, participaron este domingo 2 de abril na Ruta BTT Cidade de Pontevedra que partía ás 9.30 horas da avenida de Montero Ríos para desprazarse cara a Salcedo e Figueirido, pasando polo Lago de Castiñeiras, para regresar a través de Estribela de novo ao centro da cidade.
A proba de 35 quilómetros volveu ser un éxito organizativo a cargo de Club Ciclista Farto. Nesta ocasión, dos dez euros que custaba a inscrición na proba, un ía destinado á Asociación Socio Sanitaria Educativa Inflamatoria Intestinal (ASEII).
O tempo acompañou para que os participantes puidesen realizar sen grandes sobresaltos esta proba, que chega xa á súa cuarta edición.