Desde o río Lérez ata Tokyo. É o plan da piragüista Teresa Portela, que segue preparando o asalto aos que serían os seus sextos Xogos Olímpicos.
De conseguilo a deportista canguesa afincada en Pontevedra converteríase na española con máis participacións olímpicas.
No seu camiño Portela contará coa axuda de Daniel Brage, que segundo informa a axencia EFE traballará con ela como técnico en exclusiva durante os próximos meses.
Trátase do adestrador co que xa preparou as citas de Londres 2012 e Río 2016, logrando senllos diplomas olímpicos.
Coa súa colección de medallas internacionais ás costas nunha longa traxectoria, Teresa Portela manterá a súa base de adestramento no Centro Galego de Tecnificación Deportiva de Pontevedra, polo que seguirá sendo sinxelo vela adestrar regularmente en pleno río a vista de todos os seus veciños.
— (@teriportela) October 22, 2020
Mañana de paleo y así mi día a día, entre puente y puente en Pontevedra ☺️#aseguirsumando #paladaspalada #nuevatemporada pic.twitter.com/MVHx17THLm