Un mes durou a vinculación de Javi Sánchez co Arosa, club ao que chegou procedente do Lucena andaluz a finais de outubro.
A entidade de Vilagarcía deu a baixa ao gardameta tras negarse a viaxar co equipo a pasada fin de semana a Boiro ao decidir Piscis que o porteiro titular sería Jorge Pérez.
O acto de indisciplina saldouse coa rescisión do seu contrato tras pedir o xogador a baixa voluntaria, segundo explica o Arosa, ao ter "varias e boas ofertas" doutros clubs.
Javi Sánchez chegara ao Arosa ante os problemas laborais e físicos que en ocasións ten Jorge Pérez e que lle impiden estar a disposición do técnico nalgunhas xornadas.