Partido importante para o Club Baloncesto Arxil, que necesita recuperar sensacións na Liga Feminina 2 despois de tres derrotas consecutivas.
O conxunto verde recibe no Centro Galego de Tecnificación Deportiva (sábado, 19:30 horas), ao Universidad de Oviedo, penúltimo clasificado cunha vitoria menos que as pontevedresas.
As xogadoras adestradas por Mayte Méndez necesitan mellorar o seu acerto no tiro para volver ser o equipo que pelexou polos postos altos a pasada tempada.
Ata o momento, o Arxil promedia un 36% de acerto en tiros de dous e un 29% desde a línes de tres puntos.
Mayte Méndez poderá contar para este partido coas súas xogadoras habituais, antes de que Rosinha Duarte abandone a disciplina do equipo para acudir durante 12 días á concentración da Selección Portuguesa.