Descanso para o Club Baloncesto Arxil, que aprazou ata o 17 de novembro a súa próxima xornada de competición na Liga Feminina 2.
O club pontevedrés, que perdía esta semana á macedonia Nena Trajchevska por estar convocada pola súa selección nacional, chegou a un acordo co GEiEG catalán para trasladar o seu encontro ao 17 de decembro, en Xirona (16.00 horas).
Este cambio obrigará a un gran esforzo ao plantel arxilista, debido a que deberán afrontar dous encontros con apenas 24 horas de diferenza, xa que o 16 de decembro visitará o UE Mataró.
En canto a Trajchevska, capitá do seu equipo nacional, foi convocada para disputar dous encontros de clasificación para o Preolímpico, nos que Macedonia medirase a Portugal (9 novembro en Matosiños) e a Serbia (12 de novembro en Skopje).