O encoro pontevedrés de Pontillón do Castro, en Verducido, acollerá finalmente os días 11 e 12 de novembro o Campionato de España de Piragüismo Sprint de Novas Promesas por Federacións Autonómicas (CESA).
A cita, prevista inicialmente para os días 28 e 29 de outubro, tivo que ser aprazada polas malas previsións climatolóxicas.
A Real Federación Española de Piragüismo fixou agora nova data para o campionato, mantendo como sede o Complexo Deportivo David Cal-Pontillón do Castro.
Tanto a inscrición de deportistas, que pechou en 440 padexeiros, como o sorteo das probas xa realizado serán válidos para a nova data.
Con esta competición a Federación Española dará definitivamente por pechada a tempada deportiva de 2023.