A Sociedad Gimnástica de atletismo pon as súas miras no Campionato de España Sub-20 que ten previsto celebrarse este sábado 3 e domingo 4 de outubro no madrileño Estadio de Vallehermoso.
O campionato segue adiante, avanza a Real Federación Española de Atletismo, a pesar das restricións previstas na capital debido á situación sanitaria, acolléndose á normativa elaborada para competicións non profesionais de ámbito estatal.
Alí estarán catro deportistas da Gimnástica, co obxectivo segundo o club pontevedrés de pelexar polos postos de finalistas e tamén de tentar mellorar as súas marcas nunha tempada na que apenas tiveron oportunidades de colgar o dorsal.
A primeira en competir será Cristina Garrido, o sábado, coa semifinal dos 100 metros lisos.
Ademais Paula de la Torre e Alberto Pérez competirán no 800 na clasificatoria da primeira xornada coa ilusión de poder repetir o domingo nas finais.
Por último Raúl Cortizo tomará parte o domingo do concurso de salto de lonxitude tentando pasar o corte da mellora para colocarse entre os mellores da categoría.