Non puido pechar con bo sabor de boca a tempada o Club Cisne Balonmán ao caer na última xornada de liga na cancha do Agustinos de Alacante.
Os pontevedreses tiveron na súa man a vitoria, pero viron como o seu rival remontaba nos últimos minutos e deixáballes co mel nos beizos. A pesar deles os de Jabato conclúen a competición a décima posición da División de Honra Prata con 26 puntos.
En Alacante os pontevedreses dominaron durante boa parte do choque, especialmente a partir do minuto 20, chegando ao descanso con vantaxe de 14 a 17.
A renda estabilizouse no segundo acto nos 4 tantos en favor dos cineístas, que parecían controlar o partido mentres o tempo avanzaba.
Foi así ata o últimos cinco minutos, aos que se chegou cun apertado 28-29. Os locais cheiraron sangue e apertaron a un Cisne ao que lle faltou fol e que viu como finalmente escapábanselles os últimos puntos da tempada.