O Club Cisne Balonmán visita este sábado ás 20:00 a pista do pechacancelas Zamora, un equipo que aínda que aínda non sumou ningunha vitoria, "vai ser complicado".
É un rival que "cambiou case todo o plantel e é normal que tarde en axustarse", asegurou o segundo adestrador cisneísta Quiños. "Despois de dúas derrotas duras quererán chegar a casa e facer un bo partido. Estiveron preto de sumar vitorias e mostraron unha capacidade para remontar nos últimos minutos e non perder a fe", indicou.
Para o técnico, os xogadores brancos deberán poñer especial atención no un contra un de Iago Costas ou Guille García, e no lanzamento de Rafael Paulo, Anderson ou Cadelo.
O TEUCRO VOA ÁS PALMAS
A Sociedad Deportiva Teucro buscará ás 21:00 horas (20:00 hora canaria) prolongar o seu bo estado de forma visitando ao Balonmano Ingenio das Palmas.
O equipo insular atópase en sétima posición con 8 puntos na súa marcadora, catro partidos gañados e só dúas derrotas.
Os pontevedreses, pola súa banda, chegan á cita como líderes invictos da Primeira Nacional con 12 puntos, polo que se espera un partido de poder a poder no que calquera pode facerse co triunfo.