Leva poucos anos na brecha, pero aos poucos foi crecendo ata consolidarse entre a aposta deportiva de Marín.
O Club Deportivo Pinarium conta a día de hoxe con preto de 200 deportistas entre as súas diferentes seccións de atletismo, tríatlon, trail ou a recentemente creada de ciclismo.
Nas súas filas, deportistas de todas as idades, incluídos os pequenos triatletas da escola municipal marinense, xestionada polo club, e profesionais como Fernando Alarza, quinto clasificado esta tempada nas Series Mundiais de Tríatlon.
O talaverano e o seu adestrador Omar González estiveron presentes, xunto a moitos dos deportistas do club, na presentación das seccións e novo equipamento, que se celebrou no Concello de Marín.