O CW Pontevedra pode encarrilar este sábado a súa permanencia na Primeira División Nacional Feminina de Waterpolo. A piscina da Escola Naval Militar de Marrín será, a partir das 17 horas, escenario dun duelo contra o Leioa Waterpolo. Terceiro contra cuarto clasificado do grupo A de a segunda máxima categoría a nivel estatal.
A falta de só tres partidos para pechar a primeira fase, as pontevedresas están a 2 puntos das vascas, mentres que por detrás axéxanas AESE e Alcorcón, a un só punto de distancia. Convén lembrar que o novo sistema de puntuación da competición outorga un punto ao equipo perdedor dous ao que gaña, en caso de empate, o enfrontamento resólvese por penaltis.
Se o equipo do CW Pontevedra consegue finalizar entre os catro primeiros terá certificado a permanencia en Primeira Nacional, meténdose no grupo polo ascenso a División de Honra.
Por iso, desde o club pontevedrés fan un chamamento á afección para que asista o sábado á piscina da Escola Naval a animar ao seu equipo e axudar ás mozas para conseguir a cuarta vitoria consecutiva, que deixaría a permanencia case sentenciada. Pero non será fácil, o Leioa Waterpolo é un equipo con moita experiencia na categoría nacional.