Esta sendo unha tempada complicada para o Froiz, con caídas e lesións dos seus homes importantes, pero o equipo ciclista pontevedrés espera emendala en parte nos dous grandes obxectivos que lle resta por afrontar.
O primeiro deles, desde este venres e ata o luns 22 de agosto, sitúase na LI Vuelta a Palencia Sub-23.
Catro etapas caracterizadas pola dureza e a presenza montañosa na que a escuadra alimenticia espera destacar, a pesar da ausencia de David González, líder do bloque sub-23 do equipo, pola súa recente caída en Toledo.
Os ciclistas que estarán en Palencia son: Martín Bouzas, Alejandro Regueiro, Alejandro Lomba, Víctor Fernández, Raúl Fernández e Diego Somoza.
O Froiz ademais prepara xa a súa participación na Volta a Galicia, obxectivo marcado como un dos máis importantes desde o inicio de ano.