O Gran Premio Macario, que se celebra o vindeiro domingo na localidade madrileña de Alcalá de Henares, poñerá fin á Copa de España Elite e Sub-23 de ciclismo, na que o Froiz tiña depositadas esta tempada moitas esperanzas.
A lesión do seu líder, Francisco Medina, deixou sen opcións ao equipo pontevedrés de pelexar pola xeral na que foi unha competición aciaga este curso.
Medina reaparecerá precisamente esta fin de semana no Gran Premio Macario, cita que ademais aproveitará a Federación Española de Ciclismo para homenaxear a Evaristo Portela, director do Grupo Deportivo Supermercados Froiz, pola súa traxectoria á fronte do equipo durante os últimos 28 anos.
O Froiz, segundo equipo máis lonxevo do pelotón nacional, chegou a liderar durante sete tempadas consecutivas o ránking nacional a final de tempada.
O equipo pontevedrés competirá en Alcalá de Henares cun sete composto por: João Araujo, Alejandro Lomba, Rodrigo Enríquez, Diego Somoza, Alejandro Regueiro e David González.