As escolas do Judo Club Pontevedra (a escola municipal e a Judo Kids) mostraron os seus progresos na 24 edición da Festa do Judo Infantil-Trofeo de Frutos.
Medio cento de deportistas do club pontevedrés tomaron parte da competición celebrada durante a fin de semana no Instituto Feiral de Vigo (IFEVI).
Repartido en parellas e trios, os judocas da cidade de Lérez enfrontáronse a exercicios de habilidades, técnicas e defensas adaptados ao nivel de cada un deles, mostrando o aprendido durante os primeiros meses da tempada.
A Festa do Judo Infantil, organizada polo AD Famu De Frutose a Federación Galega de Judo, reuniu a máis de 1.500 deportistas chegados desde diferentes puntos de Galicia, confirmándose como unha das principais citas rexionais deste deporte e rendendo homenaxe ao Mestre José Luis De Frutos, unha das figuras máis representativas do judo nacional.