Ninguén gañara esta tempada na pista do Unión Arroyo, nin sequera o líder destacado da Segunda B de fútbol sala, o Atlético Benavente, ata que chegou o Leis.
O conxunto pontevedrés tirou de pegada para vencer na pista do equipo valisoletano (2-5) e consolidarse na zona que dá dereito a xogar o play-off.
Os de Mikel Diestro mostraron a súa versión máis sólida para adiantarse 0-3 e saber sufrir cando os locais apertaron o marcador (2-3).
Ao final rexistrouse un 2-5 con dous goles de Barcala, outros dous de Cley e outro máis de Arroyo.
Este resultado mantén ao Leis na terceira posición da táboa con 23 puntos, a 5 do líder Atlético Benavente e os mesmos que o segundo, o Albense, que a próxima fin de semana visitará o Pavillón Municipal dos Deportes.