Partido moi igualado e con alternativas no marcador o que disputaron o Leis Marcón e San Fernando no Pavillón Municipal dos Deportes de Pontevedra.
As pontevedresas salvaron un punto nos instantes finais tras verse por detrás na segunda metade.
Adiantouse o San Fernando no minuto 17, pero o Leis reaccionou para poñerse en vantaxe antes do descanso, con goles de Ali e Paloma en dous minutos.
A alegría durou pouco ás locais, xa que viron como o seu rival remontaba nos primeiros minutos do segundo acto. Co 2-3 ambos os equipos tiveron opcións para notar con senllas superioridades numéricas, pero non o aproveitaron ata que Ali, a falta de dous minutos, conseguía o empate final.
O Leis Marcón queda agora na décima praza da Segunda División Feminina con 19 puntos.