Suma unha nova peza o Peixe Galego para o seu regreso á liga LEB Prata, e van dez.
O último en sumarse ao proxecto do club marinense é Taiwo Badmus, xogador de orixe nixeriana e internacional coa selección de Irlanda, que afrontará aos seus 25 anos a súa primeira experiencia no baloncesto profesional.
Aleiro, de 2,01 metros de altura, chega a Marín tras completar o seu ciclo formativo na liga universitaria estadounidense (NCAA), na súa segunda división, na que a última campaña defendeu as cores da Universidade de Virginia
"É un diamante en bruto", aseguran desde o club ' peixe', desde onde esperan que lles achegue "envergadura e potencia física, ademais de bo tiro exterior".
Taiwo Badmus únese así a un plantel na que xa figuraban Antonio Pantín, Vashil Fernández, Santi Lorenzo, Juanchi Orellano, Jorge Romero, Pablo González, Víctor Holmberg, Jacobo de Benito e Gerard Sevillano.