Despois do ambiente festivo que provocou o paso da Selección Española Absoluta Feminina polo municipio, o Poio Pescamar retoma a actividade ligueira.
Faio co obxectivo de recuperar posicións na táboa e asentarse de novo na zona nobre, e para iso o cadro vermello debe deixar atrás as dúas xornadas que encadea sen gañar nunha saída que se antolla complicada, á pista do Esplugues Gironella de Barcelona (sábado, 18:00 horas).
Marcio Santos poderá contar con todo o plantel para a cita, nunha convocatoria na que figuran: Silvia, Sara, Charo, Jenny, Carol, Jessi Lores, Patri Corral, Suki, Jessi, Ceci e Ale de Paz.
O Poio Pescamar viaxa en avión ata Barcelona o mesmo día do partido para enfrontarse a un rival ao que lle saca 4 puntos na táboa pero que conta cun partido menos e chega tras vencer na Rioxa na pasada xornada.