Coa saída de Bustos a pasada fin de semana, o Pontevedra CF púxose ao choio na procura dun xogador que puidese substituír ao xixonés e atopouno.
O club granate fixo oficial este sábado a fichaxe do extremo Jorge Fernández, que chega procedente do Calahorra, equipo co que competiu o último curso na Segunda División B. Na liga terminada de maneira anticipada pola pandemia da Covid-19, o xogador participou en 26 encontros (todos eles como titular) e anotando seis goles.
Trátase dun xogador veterano, de 30 anos, que conta cunha longa traxectoria deportiva na categoría de bronce, onde disputou 321 partidos en equipos como o Lealtad, Zaragoza B ou Sporting B e marcou 40 goles.
FICHAJE:
— Pontevedra CF (@PontevedraCFSAD) August 22, 2020
Le damos la BIENVENIDA a Jorge Fernández, extremo izquierdo procedente del @cdcalahorra
Suerte!!!!#BIENVENIDOJORGE pic.twitter.com/oByP0S52KW