O Pontevedra B logrou este sábado no Estadio Municipal de Pasarón o seu segundo triunfo da tempada ante un rival directo como é o Estradense.
O encontro estivo marcado polo vento e a choiva condicionando a ambos os conxuntos, que tiveron que optar por un xogo moi directo e non só pelexar contra o rival, senón tamén contra o mal tempo.
Con todo, foi o filial granate o que se mostrou moito máis forte sobre o terreo de xogo, sentenciando en tan só dous minutos e facerse cos tres puntos.
Tras un penalti fallado por Hugo Padín aos 19 minutos de xogo, apareceu Jaichenco para facer o máis difícil e anotar o primeiro tanto co que adiantar aos locais.
E sen tempo para a reacción do Estradense, apareceu Toño dous minutos despois e subir o 2-0 co que concluíu o encontro.
Aínda que o cadro visitante tentou durante o devir do duelo dar a volta ao resultado, a roupa e as pernas pesaban demasiado e foi tarefa imposible conseguilo.