Álvaro Muñiz Cegarra é o centrocampista elixido para pechar o plantel do Pontevedra.
O club granate confirmou a fichaxe do futbolista asturiano, que ata agora militaba en La Hoya Lorca, equipo que ocupa actualmente a última posición no Grupo IV de Segunda B.
Esta tempada disputou 18 partidos de liga, 11 deles como titular, marcando un tanto.
Muñiz ten 26 anos, é natural de Xixón e antes de pertencer ao equipo murciano pasou por clubs como o Pájara Playas, Moratalla, Caravaca, Burgos ou Marino de Luanco.
O futbolista será presentado ás 12:30 horas deste venres na sala de prensa do Estadio Municipal de Pasarón.
KEVIN PRESA MELLORA E NON ESTÁ DESCARTADO
Malia que o golpe sufrido o mércores impediu que se exercitarse este xoves co resto dos seus compañeiros, Kevin Presa aínda non está descartado para o choque do sábado ante o Deportivo B.
O centrocampista aínda ten molestias no seu xeonllo pero a súa evolución foi boa, polo que Luisito confía en poder incluírlo na convocatoria.
O contratiempo da xornada o protagonizouno Sergio Lloves, que traballou a menor ritmo ao ter dor nun xeonllo.