O prometedor xogador do Squash Pontevedra Pablo Caínzos conquistou esta fin de semana a Copa Ibérica de categoría sub 17.
Na final do evento, celebrada o pasado 6 de maio na cidade lusa de Porto, Caínzos logrou impoñerse ao xogador local Rafael Nieto por un global de 3 a 1. E iso que o partido comezou con derrota no primeiro set para o pontevedrés (7-11), pero logrou refacerse para remontar cun 11-3, 11-6 e 11-5.
A pesar das dificultades que están a atravesar esta tempada os discípulos de Miguel Novegil, que polo peche das instalacións de Pontemuíños non puideron adestrar da mellor maneira posible, demostraron un elevado nivel nesta competición, na que Marta Domínguez logrou a clasificación para o mundial que se celebrará en Chicago.