O calendario ciclista toca ao seu fin e o Grupo Depportivo Supermercados Froiz afronta a recta final da súa tempada. Os corredores da escuadra alimenticia disputan esta fin de semana a volta ciclista a Estremadura, que consta de tres etapas nas que os portos de montaña xogarán un papel transcendental.
A primeira delas entre Monasterio e Olivenza consta de 133 quilómetros de percorrido e dúas subidas puntuables de segunda e terceira categoría. A segunda xornada, entre Montiel e Trujillo, serán 135 quilómetros rompepiernas cunha soa cota puntuable de terceira categoría. O domingo terá lugar a etapa definitiva de 140 quilómetros, na que o pelotón deberá afrontar o ascenso ao porto do Piornal, de primeira categoría, para finalizar con outra subida de segunda categoría.
O equipo elixido por Evaristo Portela para esta competición compóñeno Pablo Alonso, Ivan Martinez, Diego Cano, Ramon Fernandez, Victor Etxeberria e Javier Chacón.