A crise sanitaria segue modificando o calendario de eventos deportivos previstos para este ano. O último en facer oficial a súa suspensión é o Torneo Internacional de Fútbol 7 Benjamín Cidade de Pontevedra. O campionato que organiza a Escola de Fútbol Porteiro 2000 ía celebrar este verán a súa edición número vinte e dous, que terá que pospoñerse polo menos ata o 2021.
"Dada a situación sanitaria do momento queda suspendido o 22 Torneo Intenacional F7 Benxamín Cidade de Pontevedra 2020", explican na conta de Twitter do club.
"Dada la situación sanitaria del momento queda suspendido el 22 Torneo Intenacional F7 Benxamín Cidade de Pontevedra 2020". pic.twitter.com/F2nXvmJgg2
— EF Portero 2000 (@efportero2000) May 11, 2020
A principios do mes de maio, foi o propio concelleiro de Deportes de Pontevedra o que daba por perdidos todos os eventos previstos ata o mes de agosto. A Gladiator Race, prevista para principios de xuño xa fixo oficial a súa anulación, e agora faio o club pontevedrés que acada ano traía ás mellores canteiras do mundo do fútbol a Pontevedra. A cita deste ano estaba fixada inicialmente para o 13 e 14 de xuño.
Desde o Concello temen tamén a suspensión do Campionato de España de Piragüismo Sprint fixado para finais de xullo, aínda que aínda conservan a esperanza de poder organizar os eventos previstos para os últimos meses do ano como o Pro Tour de tríatlon, a Copa de España de ciclocrós ou a etapa final da Copa de España de augas abertas.