O Centro Deportivo de Campolongo mantén as súas instalacións pechadas ao público desde o venres 13 de marzo como medida preventiva para garantir a saúde dos seus usuarios e traballadores.
Con motivo da crise sanitaria do COVID-19, emitiron este luns un comunicado a través do que infroman que "bonificaremos todos os servizos pagos e non gozados e por suposto non se virarán cotas ata ter a data de apertura".
Así mesmo, engaden que non será necesario tramitar a baixa porque todas as cotas serán conxeladas.
Doutra banda, recomendan a todos os abonados que non abandonen a vida activa e sigan manténdose en forma. Para facilitarllo, faranlles chegar a todos un programa de adestramento virtual para realizar desde casa.
Calquera novidade no servizo deste centro será comunicada aos usuarios a través das canles corporativas habituais.